Польша Ҳукумати Ўзбекистондан малакали ишчиларни жалб қилмоқчи

Польша Ҳукумати Ўзбекистондан малакали ишчиларни жалб қилмоқчи

Ўзбекистон Польшага меҳнат бозорида иштирок этишда енгиллаштирилган имкониятлар берилган давлатлар рўйхатига киритиш таклифи билан чиқди.

Таклиф Ўзбекистон Республикаси Бандлик ва меҳнат муносабатлари вазири Нозим Ҳусановнинг Польша Оила, меҳнат ва ижтимоий сиёсат вазири М.Малаг билан учрашувида билдирилди. Бу ҳақда вазирлик матбуот хизмати хабар қилмоқда.

Ўзбекистон учрашувда тақдимот ўтказди

Учрашувда Ўзбекистон томони Ўзбекистоннинг ишчи кучи салоҳияти, республиканинг демографик тенденцияси, меҳнат бозорининг ҳозирги ҳолати, ишчи касблар бўйича малакали мутахассислар тайёрлаш бўйича мавжуд имкониятлар тўғрисида батафсил тақдимот ўтказди.

Нозим Ҳусанов Ҳукуматлараро битим имзолаш таклифини берди

Шунингдек, Нозим Ҳусанов Ўзбекистон фуқароларини Польша Республикасига ноқонуний меҳнат миграциясини олдини олиш учун Ўзбекистонни Польша меҳнат бозорида иштирок этишда енгиллаштирилган имкониятлар берилган давлатлар рўйхатига киритиш орқали, ташкиллаштирилган меҳнат миграцияси тизимини жорий этиш мақсадида Ҳукуматлараро битим имзолаш таклифини берган.

Польша парламенти миграция сиёсатини тартибга солувчи қонун ишлаб чиқмоқда

М.Малаг Польша Ҳукумати хорижий мамлакатлар, хусусан, Ўзбекистондан малакали ишчиларни жалб қилишга қизиқиш билан қараётганини алоҳида таъкидлаган.

Таъкидланишича, бугунги кунда Польша парламенти томонидан миграция сиёсатини тартибга солувчи қонун ҳужжати лойиҳаси муҳокама қилинмоқда.

Учрашувда Ўзбекистон томонидан берилган таклифлар ташкиллаштирилган меҳнат миграцияси тизимини жорий этишда асос бўлиб хизмат қилиши кўрсатиб ўтилди.

Мақолани улашинг

Ўхшаш янгиликлар