Rossiya universitetining Olmaliq filialiga qabul kvotalari e’lon qilindi
“Milliy texnologik tadqiqotlar” universiteti Olmaliq filialiga 2020/2021 o‘quv yilida sirtqi o‘qish uchun kvotalar ajratilmoqda.
Rossiya Federal davlat avtonom oliy ta’lim muassasasi “Milliy texnologik tadqiqotlar” universiteti Olmaliq filialiga 2020/2021 o‘quv yili uchun talabalarni qabul qilish kvotasi 250 kishini tashkil etadi va talabalarning 40 foizi O‘zbekiston davlat buyurtmasi (byudjeti) hisobidan tahsil oladi.
Avvalgi yillar bilan taqqoslaganda, joriy yilgi qabul komissiyasining farqli jihati - birinchi marta sirtqi o‘qish uchun kvotalarning ajratilishi va abituriyentlarning hujjatlari onlayn tarzda qabul qilinishi.
Respublika Oliy Ta’lim Vazirligi va "bosh universitet"ning global pandemiyada sharoitida bergan ko‘rsatmalarini hisobga olgan holda, shuningdek, respublikaning chekka hududlaridan kelganlar imtihon kunlari filial yotoqxonasiga joylashtiriladi.
Hujjatlar qabuli quyidagi ta’lim yo‘nalishlari bo‘yicha amalga oshiriladi, bunda kvotalar quyidagi tartibda taqsimlanadi:
- "Metallurgiya (metall texnologiyasi)" - 75 kunduzgi va 25 sirtqi,
- "Avtomatlashtirish va texnologik jarayonlar va ishlab chiqarishni boshqarish (tarmoqlar bo‘yicha)" - 25 ta kunduzgi va 25 ta sirtqi va
- "Konchilik" ixtisosligi - 75 kunduzgi va 25 sirtqi.
Hujjatlarni topshirish muddati:
- kunduzgi o‘qish shakli uchun 2020 yil 20 iyundan 20 iyulgacha?
- sirtqi o‘qish shakli uchun 2020 yil 20 iyundan 31 iyulgacha.
Kirish imtihonlari kunduzgi o‘qish shakli uchun 2020 yil 25 iyuldan 5 avgustgacha, sirtqi o‘qish uchun 2020 yil 5 avgustdan 15 avgustgacha rejalashtirilgan.
Kerakli hujjatlar ro‘yxati va hujjatlarni onlayn tarzda topshirish bo‘yicha yo‘riqnoma bilan misis.uz saytida tanishish mumkin.
Izoh qoldirish