Mahalliy yo‘nalishlardagi poyezdlar va avia qatnovlar ham to‘xtatiladi

Mahalliy yo‘nalishlardagi poyezdlar va avia qatnovlar ham to‘xtatiladi

13 iyul dushanba kunidan mahalliy yo‘nalishlardagi poyezdlar va avia qatnovlar ham to‘xtatiladi. Bu haqda Transport vazirligi axborot xizmati rahbari Navro‘z Ashurmatov ma’lum qildi.

Kuchaytirilgan karantin tartibi sharoitida faqatgina Respublika maxsus komissiyasi tomonidan tasdiqlangan parvozlar jadvaliga muvofiq, xorijiy davlatlardagi fuqarolarimizni vatanga olib kelish bo‘yicha repatriatsion reyslar bajariladi.

Chegara punktlaridan fuqarolarni karantin hududlariga yetkazish uchun avtobus tashuvlari amalga oshiriladi.

Shuningdek, karantin muddatini o‘tab bo‘lgan fuqarolarni reabilitatsiya uchun shifoxonalarga va yashash manzillariga yetkazishda temiryo‘l va avtobuslardan foydalaniladi.

Maqolani ulashing

O'xshash yangiliklar