O’zbekiston 24 телеканали репортажида Самарқанд аэропортини реконструкцияси қилиш учун умумий миқдорда 62 млн доллар ажратилаётгани ҳақида маълумот берилди.
Репортажда айтилишича, қайта қуриш ишлари якунланганидан сўнг, аэропорт ўз ўтказиш қобилиятини соатига 600 дан 1200 йўловчига ошириши мумкин. 22 та ҳаво кема учун тўхташ ва учиш-қўниш йўлаги қурилиши ҳам якунланмоқда.
Лойиҳани Туркиянинг Kiklop ва Ўзбекистоннинг Primetime Group компанияси амалга оширади. Пудратчи вазифасини эса Enter Engineering компанияси бажаради.
"Бугунги кунда корхонада 245 нафар қурувчи барча санитария-гигиена талабларига жавоб берадиган тарзда ишламоқда. Иш жадвалга мувофиқ ривожланмоқда. Иншоот қуриб битказилганидан сўнг, ушбу халқаро аэропорт йилига 1,4 млн йўловчини қабул қила олади, бу эса минтақада туризмни ривожлантиришга ижобий таъсир кўрсатади", дейди терминал қурилиши директори Баҳром Усмонов.
Қурилиш ишларини тугатиш ва фойдаланишга топшириш 2021 йилгача мўлжалланган. Самарқанд аэропорти реконструкция ишлари тугагандан сўнг "Очиқ осмон" режими йўлга қўйилади.
Изоҳ қолдириш